Sib Fa
Quanno nascette Nínno a Bettlemme
Mib Fa Sib
Era nott’ e pareva miezo juorno
Mib Fa Sib
Era nott’ e pareva miezo juorno.
Fa7 Sib
Maje le Stelle – lustre e belle
Fa7 Sib
Se vedetteno accossì:
Fa7
E a cchíù lucente
Mib Fa Sib
Jett’a chíammà li Magge all’Uríente.
Fa7
E a cchíù lucente
Mib Fa Sib
Jett’a chíammà li Magge all’Uríente.

Maje le stelle,
lustre e belle,
se vedèttero accussí…

Se vedèttero accussí…

De pressa se scetajeno
de pressa se scetajeno ll’aucielle…
cantanno de na forma tutta nova:
Pe’ nsi’ ‘agrille,
co’ li strille,
e zompanno ‘a ccá e ‘a llá:
– E’ nato! E’ nato! –
– decévano – lo Dio che nce ha criato! –

Pe’ nsi’ ‘agrille,
co li strille
e zompanno ‘a ccá e ‘a llá…

E zompanno ‘a ccá e ‘a llá…

Co’ tutto ch’era vierno,
co’ tutto ch’era vierno, Ninno bello,
nascettero a migliara rose e sciure…
Pe’ nsi’ ‘o ffieno,
sicco e tuosto,
ca fuje puosto sott’a te,
se ‘nfigliulette
e de frunnelle e sciure se vestette…

Pe’ nsí’ ‘o ffieno,
………………

A no paese che,
a no paese che se chiamma Ngadde,
sciurettero le vvigne e ascette ll’uva.
Ninno mio
sapuretiello,
rappusciello d’uva si’ tu…
ca, tutt’ammore,
faje doce ‘a vocca e po’ ‘mbriache ‘e core!

Ninno mio,

Non c’erano nemice
non c’erano nemice pe’ la terra:
La pecora pasceva co’ ‘o lione
Coo capretto,
se vedette
‘o liupardo pazzeá…
Ll’urzo e ‘o vetiello
e, co’ lo lupo, ‘mpace ‘o pecoriello.

Co’ ‘o capretto,

S’arrevotaje ‘nsomma
s’arrevotaje ‘nsomma tutto munno:
lo cielo, ‘a terra, ‘o mare e tutte ggente…
Chi dormeva,
se senteva
‘mpietto core pazzeá
pe’ la prejezza;
E se sonnava pace e contentezza…

Chi dormeva

Guardavano le ppecore,
guardavano le ppecore, ‘e Pasture…
E n’Angelo, sbrennente cchiù do sole,
Comparette
e lle decette:
– No ve spaventate, no!
Contento e riso!
la terra è addeventata Paraviso! –

Comparette

A vuje è nato ogge,
A vuje è nato ogge, a Bettalemme,
do munno, ll’aspettato Sarvatore…
Dinte panne
‘o trovarrite,
non potite maje sgarrá,
arravogliato…
e dint’a lu Presebbio corecato…

Dinte panne

A meliune ll’Angiule
a meliune ll’Angiule calaro…
co’ chiste se mettettero a cantare;
– Gloria a Dio,
pace ‘nterra
Nu’ cchiù guerra…è nato giá
lo rre d’ammore
che dá prejezza e pace a ogne core… –

Gloria a Dio,

Sbatteva ‘o core ‘mpietto
sbatteva ‘o core ‘mpietto a sti Pasture
e ll’uno po’ deceva ‘nfacci’a ll’ato:
– Ché tardammo?
priesto, jammo
ca mme sento ascevolí
pe’ lo golío
ca tengo de vedé stu Ninno Dio!… –

Ché tardammo

Zompanno comm’a ciévere
zompanno comm’a ciévere ferute,
jettero li pasture a la capanna…
Llá trovajeno
a Maria
co’ Giusepe e ‘a Gioja mia
e ‘nchillo Viso
provajeno no muorzo ‘e Paraviso..

Llá trovajeno

Restajeno ‘ncantate
restajeno ‘ncantate e voccapierte
pe’ tantu tiempo senza di’ parola…
po’ jettanno,
lacremanno,
no sospiro pe’ sfogá…
da dinto core,
cacciajeno, a migliara, atte d’ammore.

Po’ jettanno

Ca scusa de donare
ca scusa de donare li presiente
se jettero azzeccanno chiano chiano…
Ninno no’
li rifiutaje
ll’azzettaje, comm’a che,
po’ lle mettette
la mano ‘ncapa e li benedicette…

Ninno no’

Piglianno confedenzia
piglianno confedenzia a poco a poco,
cercajeno lecenzia a la Madonna…
Se magnajeno
li pedille
co vasille, ‘mprimma e po’
chelle mmanelle…
a ll’urdemo, lo musso e ‘e mascarielle…

Se magnajeno

Po’ assieme se mettettero
po’ assieme se mettettero a sonare
e a cantá co’ ll’Angiule e Maria
co’ na voce,
accossí doce,
ca Gesù facette: Aaaah – há…
e po’ chiudette
chill’uocchie aggraziate e s’addurmette.

Co’ na voce

La nonna che cantajeno
la nonna che cantajeno a me mme pare
ch’avetta èsse’ chella ca mo dico:
Ma ‘nfrattanto
io la canto,
‘mmaggenateve de stá
co li pasture
vicino a Ninno bello vuje pure…

Ma ‘nfrattanto
…………..

N.B.
Le quattro strofe seguenti si cantano
col motivo della NINNA NANNA
(sempre di S. Alfonso)

Viene suonno da lu cielo,
viene adduorme a sto Nennillo…
pe’ pietá ch’è piccerillo,
viene suonno e nun tardá.

Gioja bella de sto core,
vorría suonno addeventare,
doce doce pe’ te fare
st’uocchie belle addormentá…

Ma si Tu, p’essere amato,
Te si’ fatto Bammeniello…
Sulo Ammore è ‘o sonnariello
che dormire te pò fá…

Ment’è chesto puó’ fá nonna
pe’ te st’arma è arza e bona
T’amo t’a…Uh, ‘sta canzona
giá t’ha fatto addobbecá!

…T’amo Dio, bello mio
t’amo Gioja, t’amo, t’a’…

Cantanno po’ e sonanno
cantanno po’ e sonanno, li Pasture,
tornajeno a le mantre n’ata vota:
ma che vuó’
che cchiù arrecietto
non trovajeno ‘int’a lo pietto…
a ‘o caro Bene,
facevano ogne poco ‘o va’ e biene…

ma che vuó’

Lo ‘nfierno solamente
lo ‘nfierno solamente e ‘e peccature
‘ncocciuse comm’a isso e ostinate
se mettettero
appaura,
pecché a ‘o scuro vonno stá
li spurtagliune,
fujenno da lu sole, li briccune…

Se mettettero

Io pure sóngo niro
io pure sóngo niro peccatore
ma non boglio èsse’ cuoccio e ostinato
Io non boglio
cchiù peccare…
voglio amare, voglio stá
co’ Ninno bello
comme nce sta lo voje e ll’aseniello…

Io non boglio

Nennillo mio Tu si’
Nennillo mio Tu si’ sole d’ammore!
Faje luce e scarfe pure ‘o peccatore…
Quanno è tutto
niro e brutto
comm’a pece, tanno cchiù
lo tiene mente…
e ‘o faje addeventá bello e sbrennente…

Quanno è tutto

Ma tu mme diciarraje
ma tu mme diciarraje ca chiagniste…
acciò chiagnesse pure ‘o peccatore!
Aggio tuorto!
Ahje! fosse muorto
n’ora primma de peccá!
Tu mm’haje amato
e io, pe’ paga, t’aggio maltrattato…

Aggio tuorto

E vuje uocchie mieje
e vuje uocchie mieje, doje fontane
avita fá, de lacreme, chiagnenno…
pe’ lavare,
pe’ scarfare,
li pedille de Giesù
chisá, placato,
decesse: “Via, ca t’aggio perdonato!”

Pe’ lavare

Viato a me si aggio
viato a me si aggio ‘sta fortuna!
Che maje potesse cchiù desiderare?
O Maria,
speranza mia
mentr’io chiagno, prega tu;
penza ca pure
si’ fatta mamma de li peccature.

O Maria

Lo spartito per coro
Lo spartito per voce e pianoforte

Commenta

This site uses Akismet to reduce spam. Learn how your comment data is processed.